Namo Tassa Bhagavato Arahato Sammasambuddhassa

Iti'pi so bhagava araham sammasambuddho vijjacaranasampanno sugato lokavidu anuttaro purisadammasarathi sattha devamanussanam buddho bhagava'ti

Buddham jivitapariyantam saranam gacchami

Ye ca Buddha atita ca
Ye ca Buddha anagata
Paccuppanna ca ye Buddha
Aham vandami sabbada
N'atthi me saranam annam
Buddho me saranam varam
Etena saccavajjena
Hotu me jayamangalam

Svakkhato bhagavata Dhammo sanditthiko akaliko ehipassiko opanayiko paccatam veditabbo vinnuhi'ti

Dhamman jivitapariyantam saranam gacchami

Ye ca Dhamma atita ca
Ye ca Dhamma anagata
Paccuppanna ca ye Dhamma
Aham vandami sabbada
N'atthi me saranam annam
Dhammo me saranam varam
Etena saccavajjena
Hotu me jayamangalam

Supatipanno bhagavato savakasangho
ujupatipanno bhagavato savakasangho
nayapatipanno bhagavato savakasangho
samicipatipanno bhagavato savakasangho
yadidam cattari purisayugani atthapurisapuggala esa bhagavato savakasangho
ahuneyyo, pahuneyyo, dakkhineyyo anjalikaraniyo anuttaram punnakkhettam lokassa'ti

Sangham jivitapariyantam saranam gacchami

Ye ca Sangha atita ca
Ye ca Sangha anagata
Paccuppanna ca ye Sangha
Aham vandami sabbada
N'atthi me saranam annam
Sangho me saranam varam
Etena saccavajjena
Hotu me jayamangalam